ក្មេងស្រីបងប្អូនបង្កើត២នាក់ កើតជំងឺចម្លែកមានស្បែកជ្រីវជ្រួញ និងមុខដូចមនុស្សចាស់
njali Kumari អាយុ ៧ ឆ្នាំ និងប្អូនប្រុសរបស់នាងឈ្មោះ Keshav Kumar អាយុទើបតែ ១៨ ខែ រស់នៅក្នុងប្រទេសឥណ្ឌាបានកើតជំងឺចម្លែកម្យ៉ាង បង្កឲ្យស្បែករបស់ពួកគេជ្រីវជ្រួញ និងផ្ទៃមុខហើមព្រុល ដែលធ្វើឲ្យពួកគេមើលទៅដូចមនុស្សចាស់ច្រើនទសវត្សរ៍អីចឹង ។
យោងតាមប្រភពព័ត៌មាន បានឲ្យដឹងថា បងប្អូនស្រីប្រុសបង្កើតអភ័ព្វទាំងពីរនេះ បានរងទទួលពីទំរង់កម្រមួយនៃជំងឺ Progeria -ការផ្តាស់ប្តូរហ្សែនដែលបណ្តាលឲ្យរាងកាយមានសភាពចាស់ច្រើនជាងធម្មតា ។
តាមសម្តីរបស់វេជ្ជបណ្ឌិត នោះបងប្អូនស្រីប្រុសបង្កើតនេះក៏កើតជំងឺមួយហៅថាៈ Cutis Laxa ដែលពួកវេជ្ជបណ្ឌិតនៅក្នុងប្រទេសឥណ្ឌានិយាយថា ជាជំងឺមិនអាចព្យាបាលសះស្បើយបានទេ ។
គួរបញ្ជាក់ថា Anjali និង Keshav សព្វថ្ងៃនេះ កំពុងរស់នៅទីក្រុង Ranchi, រដ្ឋ Jharkhand ជាមួយឪពុកឈ្មោះ Shatrughan Rajak អាយុ ៤០ ឆ្នាំ, ម្តាយឈ្មោះ Rinki Devi អាយុ ៣៥ ឆ្នាំ និងបងស្រីឈ្មោះ Shilpi អាយុ ១១ ឆ្នាំ ដែលពុំកើតជំងឺនេះទេ ។
យ៉ាងណាមិញ រូបកាយចម្លែកចម្លែករបស់នាងតូចទាំងពីរ ក៏ត្រូវបានមនុស្សគ្រប់រូបសម្លឹងមើល និងសើចចំអក ខណៈនៅតាមផ្លូវ ៕
Anjali Kumari អាយុ ៧ឆ្នាំ កំពុងស្ថិតក្នុងថ្នាក់រៀន
Keshav Kumar អាយុ ១៨ខែ
បងស្រីនាងតូចអភព្វទាំងពីឈ្មោះ Shilpi អាយុ ១១ ឆ្នាំ (កណ្តាល) សម្រក់ទឹកភ្នែកអាសូរប្អូន
Comments
Post a Comment